Yulian Naqelsmannı tanımağım təxminən 2016/17 sezonunun ikinci dövrəsinə
təsadüf edir. 17 tur geridə qalıb, amma “Hoffenhaym” kimi o qədər də yüksək
profili olmayan komanda “Bundesliqa”da məğlubiyyətin nə olduğunu bilmir, həmçinin
baş məşqçilərinin də sadəcə 29 yaşı var. Yəqin ki, bu, sizin üçün də kifayət qədər
diqqət çəkən məsələ olub. Amma Yulianın Sinshaym klubuna təyin olunması bu
nailiyyətindən hardasa bir il öncəyə təsadüf edir.
2015/16 sezonunda “Hoffenhaym” üçün işlər elə də yaxşı getmirdi. İlk
20 turdan sonra komanda sadəcə 14 xal toplaya bilmişdi. 17-ci pillədə qərarlaşan
klub liqadan düşmək təhlükəsi ilə üz-üzə idi. Nəticədə fevral ayında komandanın
hollandiyalı baş məşqçisi Hub Stevens vəzifəsindən azad olunur və onun əvəzinə
gözlənilməz şəkildə “Hoffenhaym”ın U-19 komandasının 28 yaşlı baş məşqçisi
Yuliyan Naqelsmann gətirilir. Bu qərardan sonra bir sıra “Hoffenhaym” azarkeşləri
və “Bundesliqa” izləyiciləri klubun artıq bu sezonki taleyi ilə barışdığına görə
belə bir addım atdığını düşünürdülər. Amma növbəti 4 ay ərzində onların bütün
belə düşüncələri alt-üst oldu. Naqelsmanndan öncə 20 tura 14 xal toplamağı
bacaran komanda Yulianın gəlişindən sonrakı 14 oyunda 23 xal topladı və 37
xalla liqada qalmağı bacardı. Komandası mövsümü 15-ci yerdə başa vuran
Naqelsmann rəhbərliyin ümidlərini doğrultdu. Təbii ki, növbəti mövsüm üçün də
ona minimum hədəf olaraq liqada qalmaq hədəfi qoyulmuşdu.
Yüksəliş
Yazının əvvəlində vurğuladığım kimi növbəti, yəni 2016/17 sezonunda
Sinshaym təmsilçiləri ilk 17 turda məğlubiyyətin nə olduğunu bilmədilər.
Ümumillikdə çempionatı 4 məğlubiyyətlə tamamlayan komanda bir sıra maraqlı nəticələrə
də imza atdı. Bu nəticələrin arasından “Bayern”lə səfərdə 1-1 heç-heçə edib,
evdə 1-0 məğlub edərək rəqibindən 4 xal almağı bacarmaqlarını qeyd edə bilərik.
Mövsüm ərzində, əsasən, 3-5-2 taktiki sxemindən istifadə edən Yuliyan Naqelsmann
bu sxem sayəsində diqqətləri özünün və komandasının üzərinə çəkməyi bacardı,
burada ən diqqət çəkən oyunçular isə Niklas Süle, Jeremi Tolyan, komandanın
kapitanı Sebastian Rudi, Kerem Demirbay, Andrey Kramariç, Sandro Vaqner və s.
idi. Liqanı 62 xalla 4-cü bitirən “Hoffenhaym”ın tarixində yeni bir səhifə
açılırdı – komanda növbəti sezonda “Çempionlar Liqası”nın “Play-off” mərhələsində
çıxış etməyə haqq qazanmışdı.
Yay transfer dövründə “Hoffenhaym” bəzi vacib futbolçularını itirdi.
Niklas Süle 20 milyon avroya, kapitan Sebastian Rudi isə azad agent olaraq
“Bayern”ə transfer oldu. Jeremi Tolyanı isə “Borussiya Dortmund” 7 milyon
avroya transfer etdi.
Amma bu mərhələnin püşkündə “Hoffenhaym”ın bəxti bir o qədər də gətirmədi.
Avropa təcrübəsi yox səviyyəsində olan Yuliyan Naqelsmann və onun komandasının
rəqibi ö
Bütün bunlara baxmayaraq Naqelsmannın komandası “Avropa Liqası”nın
qrup mərhələsində çıxış edəcəkdi. “C” qrupunda yer alan almanların rəqibləri
Portuqaliyanın “Braqa”, Bolqarıstanın “Ludoqorets” və Türkiyənin “Başakşehir”
komandaları oldu. Kifayət qədər Avropa təcrübəsi və geniş heyəti olmayan
“Hoffenhaym” qrupu 5 xalla sonuncu yerdə bitirdi. Komanda 5 xalı evdə
“Başakşehir”i məğlub edib (3-1) və “Başakşehir”lə səfərdə, evdə isə
“Ludoqorets”lə eyni hesablı heç-heçələr (1-1) edərək topladı.
“Avroliqa”da mübarizəni dayandırdıqdan sonra bütün diqqətini yerli
çempionata – “Bundesliqa”ya verən “Hoffenhaym” ötən mövsümkü nəticəsini daha da
yaxşılaşdırmağı bacardı. Doğrudu, “Hoffenhaym” ötən mövsümdən 7 xal az
toplamağı bacarsa da (55) bu dəfə 3-cü pilləni tutaraq “Çempion Liqası”nın qrup mərhələsinə birbaşa olaraq vəsiqə qazandı.
Sonluq
Keçdiyimiz yay, yəni 2018-ci ilin yayında
Naqelsmannın 2019/20 sezonundan etibarən “Laypziq”in baş məşqçisi olacağı rəsmən
açıqlandı. Bu isə o demək idi ki, 2018/19 sezonu Yulianın Sinshaymdakı son
mövsümü olacaqdı. “Çempionlar Liqası”nda püşk nəticəsində “F” qrupuna düşən
“Hoffenhaym”ın rəqibləri İngiltərənin “Mançester Siti”, Fransanın “Olimpik Lyon”
və Ukraynanın “Şaxtyor” komandaları idi. Qrupu 3 heç-heçə edərək 3 xalla
sonuncu pillədə başa vuran almanlar “Olimpik Lyon”dan 2, “Şaxtyor”dan isə 1 xal
almağı bacardılar. Bu nəticələrə rəğmən “Hoffenhaym”ın hər oyunda sona qədər
mübarizə apardığını rahatlıqla deyə bilərik. Bunu da qeyd edim ki, Naqelsmann "Çempionlar Liqasında oyuna çıxan ən gənc məşqçi" ünvanı da məhz Yulian Naqelsmanna aiddir.
Bu sezon komandada daha çox önə çıxan adlar
İshak Belfodil və son illərdə komandanın ulduzu olan Andrey Kramariç oldu. İki
futbolçu bu mövsüm birlikdə 39 qol 11
assistlik perfomans göstərdilər. Naqelsmannın “Hoffenhaym”dakı sonuncu sezonu
bundan öncəki 2 sezonundan geri qaldı. Əslində komanda keçən mövsüm topladığı
xaldan sadəcə 4 xal az (51) topladı. Buna baxmayaraq ötən sezonun bürünc
mükafatçıları bu sezon 9-cu pilləni tutaraq “Avropa Liqası”na belə vəsiqə əldə
edə bilmədilər. Amma 3-4 il bundan öncəni nəzərə alsaq “Bundesliqa”nı 9-cu pillədə
tamamlamaq “Hoffenhaym” üçün kifayət qədər yaxşı nəticə hesab olunurdu.
Bu yay Sinshaymı tərk edən yeganə şəxs Yulian Naqelsmann deyil.
Naqelsmannın burada parlatdığı oyunçulardan biri olan Kerem Demirbay 32 milyon
avro qarşılığında Leverkusen “Bayer”inə transfer oldu. Bundan əlavə olaraq Niko
Şulz, Andrey Kramariç, İshak Belfodil kimi futbolçular da yaxşı təkliflər gələcəyi
halda bu yay komandanı tərk edə bilərlər.
Gələcəklə bağlı öz şəxsi fikrimə qaldıqda isə
Naqelsmann gedə biləcəyi ən doğru kluba getdi. Gənç oyunçulara üstünlük verilməsi
və planlı şəkildə idarə edilən klub olması “Laypziq”i daha da maraqlı edir. Həmçinin,
klubun keçmiş idman direktoru və hal-hazırki baş məşqçisi Ralf Ranqnik Tomas
Tuxel və Yulian Naqelsmann kimi məşqçilərin bu səviyyəyə gəlib-çatmasında pay
sahibi hesab olunur. Şübhəsiz ki, Ranqnik keçmiş tələbəsi Yuliana “Laypziq”də əlindən
gələn qədər kömək göstərəcək. Qalan məsələlər isə Naqelsmannın özündən
asılıdır. Yetərincə “Bundesliqa” və müəyyən Avropa təcrübəsinə malik olan
Yulian Naqelsmannın “Laypziq”də uğurlu olacağına əksər azarkeşlər ümid bəsləyirlər
Hiç yorum yok:
Yorum Gönder