François Kamano

Ad: François Kamano

Komanda: Girondins Bordeaux

Vətəndaşlıq: Qvineya

Yaş: 20

Boy: 1.82

Mövqe: Sol cinah yarımmüdafiəçisi (Left Winger)

İşlək ayaq: Sağ

Transfermarkt qiyməti: 3 milyon €

Oyunçu haqqında:

Karyerasına Qvineyanın Satellite FC komandasında başlayıb. 30 yanvar 2014 tarixində Bastia B komandasına azad agent kimi transfer olunub. 6 aydan sonra A komandasına yüksəlməyi bacaran Kamano burada olduğu 2 sezon ərzində 50 oyun, 8 qol, 3 assistlik performans göstərib. Keçən yay transfer dövründə 2.50 milyon €-luq transfer dəyəri ilə Bordeaux klubuna transfer olunub. Bu günə qədər oynadığı 32 oyunda komandasına 8 qol və 4 assistlə köməklik göstərib.

Milli komanda karyerası:

Qvineya milli komandasında ilk oyununa 6 iyul 2013-də çıxıb. Milli komandada 7 oyuna çıxan Kamano’nun hələ ki 1 qolu var.

Müsbət cəhətləri:

-         Kamano’nun ən müsbət cəhəti sağ ayaqlı olub sol cinahda oynaya bilməyidi. Müasir futbolda cinah oyunçularının tərs ayaqlı olmağı çox istənilir.

-         Sol cinahdan müdafiənin arxasına çox yaxşı qaçışlar edə bilir. Xüsusilə də, əks hücumlarda komandasına çox yaxşı xeyir verə bilər.

  

-         Top ayağında olarkən rəqibini istər sürəti ilə, istərsə də dribling qabiliyyəti ilə gerisində qoya bilir.

-         Müdafiədən və ya digər cinahdan gələn ötürmələri çox yaxşı saxlaya bilir.

-         Oyunun istənilən anında komandası üçün nəsə edə biləcək bir oyunçudu. Oyunda tez həvəsdən düşə biləcək bir oyunçu deyil.

Mənfi cəhətləri:

-         Pas verməklə arası elə də yaxşı deyil. Top ayağında olarkən ən az bir nəfəri keçmək istəyir. Belə şeyləri buraxıb komanda oyununa üstünlük versə daha böyük oyunçu ola bilər.

-         Müdafiə futbolu oynayan, qapanan komandalara qarşı müəyyən problemlər yaşayır. Yenə də komanda oyunu ilə bu cür komandalara qarşı daha effektiv ola biləcəyini düşünürəm.

  

-         Dribling etməyi sevən əksər oyunçular kimi Kamano’nun da ötürmə dəqiqliyi problemi var. Çətinə düşəndə pas verdiyi üçün ötürmə dəqiqliyi az olur.

Hansı sxemlərdə oynaya bilər:

4-4-2 sxemində sağ və sol cinah

4-3-3 sxemində sağ və sol cinah

4-5-1 sxemində sağ və sol cinah

         3-5-2 sxemində köməkçi forvard (SS)

Oyun tərzinə görə oxşadığı oyunçular:

Ousmane Dembele, Paul-Georges Ntep, Yann Karamoh

Müəllifin fikri:

Gələcəkdə çox yaxşı yerlərə gələ bilər. Amma bunun üçün üzərində işləməlidi. Ligue 1’də daha üst səviyyəli və ya Serie A’da ortabab komandalarda özünü inkişaf etdirə bilər. Növbəti illərdə İngiltərə Premier League’da görə biləcəyimiz bir oyunçudu.