Mateo Muzek

Ad: Mateo Muzek

Vətəndaşlıq: Xorvatiya

Yaş: 22

Mövqe: Sol cinah müdafiəçisi

Boy: 1.83

İşlək ayağı: Sol

Transfermarkt qiyməti: 350 min avro

Oyunçu haqqında:

29 aprel 1995-ci ildə Avstriyanın Graz şəhərində dünyaya gələn Mateo Muzek futbola 2004-cü ildə Xorvatiyanın NK Kustosija komandasında başlayıb. 2006-cı ildə transfer olduğu NK Hrvatski Dragovoljac klubunun müxtəlif yaş qrupları üzrə komandalarında 2014-cü ilə qədər çıxış edib. Oyunçu həmin il HNK Gorica komandasına transfer olunub bir sezon bu komandada çıxış etdikdən sonra Sloveniyanın DNŠ Zavrč klubuna keçib. 2016-cı ildə isə digər bir sloven klubu Rudar Velenje’ye azad agent kimi qoşulub. Mateo Muzek 2017-ci ildə üz tutduğu Neftçi’də legioner karyerasının üçüncü ilini yaşayacaq.

Milli komanda karyerası:

Xorvatiya U21 – 1 oyun

Xorvatiya U20 – 2 oyun

Xorvatiya U19 – 2 oyun

Güclü cəhətləri:

Boyu 1.83 olduğu üçün hava toplarında rəqiblərini qabaqlaya bilir. Oyunçunun birə-bir mübarizələrdə də effektiv olduğunu demək olar. Həmçinin Muzek komandasına irəli xəttdə də xeyir verməyi bacaran oyunçulardandı. Sabiq komandasında çıxdığı son 38 oyunda sadəcə 4 assistlə yadda qalmasına baxmayaraq hücumda başla yaxşı oynaya bilən, bacarıqlı hücumçuları olan komandada Mateonun bu statistikası daha da yaxşılaşa bilər.

Zəif cəhətləri:

Cinah müdafiəçisi üçün boyun hündür olmağı özüylə birlikdə müsbət cəhətlər gətirsə də bəzi mənfi cəhətlər də gətirir. Muzek sürətli olan bir oyunçunun gerisində qalsa vəziyyəti düzəltmək üçün ciddi problemlər yaşayır. Oyun içində bu hal yaşansa nəticə komandası üçün pis ola bilər. Futbolçu müəyyən qədər kobud oyunu ilə də diqqət çəkir. Keçmiş klubunda çıxdığı son oyunda 38 oyunda 9 dəfə sarı, 1 dəfə isə qırmızı (2 sarı vərəqədən) vərəqə ilə cəzalandırılıb.

Hansı mövqelərdə oynaya bilər?

Əsl mövqeyi sol cinah müdafiəçisi olan Mateo Muzeki “üçlü müdafiə” oynayan komandalarda “üçlü müdafiə”nin solunda və ya yarımmüdafiənin solunda da sınamaq olar. Futbolçu 4-2-3-1 ya da 4-4-2 kimi sxemlərdə sol cinah yarımmüdafiəçisi kimi də düşünülə bilər. Amma son cümlədə dediyim fikir əsasən müdafiə futbolu oynayan komandalar üçün nəzərdə tutulub.

Oyun stilinə görə bənzədiyi oyunçular: Jonas Hector, Aleksandr Kolarov

Müəllifin fikri:

Mateo Muzek perspektivli oyunçu olsa da təcrübəsiz oyunçu da sayılır. Çox güman ki, ilk sezonda bir Bruno Bertucci və ya Giorgi Navalovski effekti göstərməyəcək. Futbolçuya ən az 2 sezon şans verilməlidir ki, gələcəkdə ikinci bir Ailton peşmanlığı yaşanmasın. Əgər oyunçu ümidləri doğrultsa Neftçi onu gələcəkdə Türkiyə, Rusiya, Belçika hətta Portuqaliya klublarına sataraq büdcəsinə xeyli xeyir verə bilər.